Am
Երբ օրերն անցած ճանճի պես մեխվում են
Em
քո օրացույցի դեղին էջերին,
Dm
ամիս առ ամիս անիմաստ թափվում են
Bb E
տերևների պես քո կյանքի ծառից:
Երբ ժամացույցի լարված զսպանակը
կացինն է ճոճում քո պարանոցին,
անցյալը դանդաղ իմաստազրկվում է,
ներկան էլ թմրած` քո ոտքի տակին:
C
Կյանքը անիմաստ իմաստազրկվում է,
G
երբ վերածվում է անվերջ պայքարի,
Bb
պայքարն էլ, ավաղ, իմաստազրկվում է,
E
երբ վերածվում է կյանքի իմաստի:
Am
Իմաստը կորցրած դատարկ պատվանդանը
Em
սպասում է հաջորդ կուռքի քանդակին,
Dm Bb
երբ տապալվում է կանգնած արձանը,
Gm E
ժամանակը միշտ վիժում է նորին:
Փողոց ու այգի իմաստազրկվում են
իմաստազրկված քաղաքի մեջքին,
տները նույնպես իմաստազրկվում են,
Երբ վերածվում են ապաստարանի:
Խոսքը շատ վաղուց իմաստազրկվել է,
ծամվել երախում բյուր ժողովների,
իմաստը նույնիսկ իմաստազրկվել է՝
այն վազքի նման, որ ավարտ չունի:
Ձեռքերը պարապ իմաստազրկվում են,
ամեն օր դարձավ տխուր կիրակի,
գլխուղեղիդ մեջ օրեցօր մեխում են
պատճառները բյուր առանց պատճառի:
Անիմաստության խորտակվող իմ նավը
նորից փրկության ափին է զարնվում,
երբ վերարկույով քնած զավակներս
մեկ-մեկ արթնանում ու ինձ են նայում:
Նրանց աչքերի առկայծող լույսերը
ոգուս սառույցի կեղևն են փշրում,
անկարողության պոկում կապանքները,
և կյանքս նորից իմաստավորում: