F# C# F#
Ես ու լուսինը միասին
F# C# F#
Մոտեցանք սառած ջրափոսին
H F#
Եվ գիշերը՝ ժամը երկուսին
C# F#
Երգեցինք այս երգը այն մասին,

C# H F#
Թե ինչու են պոետները
H A#m D#m
Եվ շները ընկերներ,
H A#m
Որովհետև նրանք գիշերը
G# C#
Սիրում են լուսնոտ երգեր:
F# A#m
Որ մեր կյանքն աղավաղում են
H A#m D#m A#m F#
Ցերեկներն անիրական,
H F#
Գիշերները մենք գտնում ենք
E Bb
Մեր դեմքերը իսկական:

D#m Bb
Մո՛ւթ ամպեր, մի՛ փակեք լուսնի դեմքը,
C# D#
Թո՛ւյլ տվեք զրույցը ավարտել,
G#m D#m
Ես, լուսինն, այն շունն ու ջրափոսը
F Bb D#m C#
Շա՜տ վաղուց իրար չենք հանդիպել:

Շունը, որ կանգնած էր իմ կողքին,
Դունչը մոտեցրեց ջրափոսին,
Նա այնտեղ տեսավ կլոր լուսնին
Եվ ասաց դատարկ այդ ափսեին:

Որ իր հայրը ցեղական էր,
Մայրն՝ անհայտ ցեղի մի շուն,
Նրանց կապն օրինական չէր,
Ու ծնվեց մի որբ անտուն:

Որ անվերջ այս գզվռտոցը
Հանուն մի կտոր հացի
Ապրելու միակ միջոցն է,
Որ կյանքից չուտես քացի:

Կյանքը մեր կեղտոտ այս ջրափոսն է,
Ուր լուսնի դատարկ ափսեն է շողշողում,
Կան մարդիկ, որոնք այնտեղ թքում են,
Իսկ ոմանք լուսին են որոնում:

Եվ հանկարծ, ջրափոսից սառած,
Դուրս լողաց լուսինը սփրթնած,
Նա մեզ մոտեցրեց իր դեմքը թաց
Եվ ահա՛ թե ինչ նա շշնջաց:

Որ երգերը մեր ցավերն են՝
Բոլորից թաքուն պահած,
Որ գիշերը մենք ոռնում ենք՝
Աշխարհի դեմ դառնացած:

Ու մի պահ մեր դեմ բացում է
Դրախտի դռներն Աստված,
Շներին նա կերակրում է
Ու փակում վերքերը բաց:

Իսկ այնտեղ բոլոր շները կուշտ են,
Պոետներն ունեն գինի ու հաց,
Եվ երգերն այնտեղ ոչ թե ոռնում են,
Այլ երգվում են մինչև լուսաբաց:

Ու պոկում են շղթաները
Պոետները ու շները կատաղած,
Գիշերվա մեջ համբարձվում է
Նրանց երգն աղոթք դարձած:

Ու թռչում են պոետները
Շների հետ խենթացած,
Այնտեղ, ուր արդեն բացել է
Դրախտի դռներն Աստված:
Ruben Hakhverdyan es u lusin@ miasin chords
Ruben Hakhverdyan te inchu en poetner@ ev shner@ @nkerner chords

   
© 2011 Armenian Music Chords All rights reserved.